मेवानगर के प्रसिद्ध स्थान श्री नाकोड़ा तीर्थ के रक्षक क्षेत्रपाल श्री नाकोड़ा भैरव जी का यह स्तोत्र (Nakoda Bhairav Stotra) है। इस स्तोत्र में भैरवदेव को सभी भक्तों की इच्छा पूरी करने वाला कल्पवृक्ष के समान सुख, शांति और कल्याण करने वाले माना गया है। भैरव की मनमोहक मुद्रा का वर्णन किया गया है। इस स्तोत्र का स्मरण करने वाले साधक के दीनता, भय शोक सभी प्रकार के विघ्नों को तुरंत दूर करने वाला तथा जीवन में सफलता और सुरक्षा करने के लिए प्रार्थना की है।
Nakoda Bhairav Stotra नाकोडा भैरव स्तोत्रम्
मेवाख्ये शैलमध्ये जनकुल विदिते-प्रार्श्वनाथप्रभुर्यो ।
विख्यातस्सिद्धपीठऽगमगुण महिमा-पार्श्ववर्ती तदीयो ।।
गौरांगो दीप्यमानोऽभयवरवरदो राजते क्षेत्रपालः ।
कल्याणं सर्वदा तो वितरतु दयया-साञ्जलिं प्रार्थये तम् ….. ।।१।।
नाकोडा भैरवो मे वसतु हृदि सदा-विश्वकल्पद्रुमो यो ।
विश्वेशो विश्वबन्धुस्सुरगणगणना-नायकोऽतन्तरुपः ।।
प्रत्यक्षो दीनबन्धु र्जगति जयकरः स्वस्तिशर्म प्रदोयः ।
सर्वाभीष्टप्रदो मे भवतु भयहरः साञ्जलिं प्रार्थये तम् … ॥२॥
नित्यंखड्गै स्त्रिशूलैर्डमरुकसहितो खप्परैर्भूषितो यः ।
नागै र्यज्ञोपवीतीप्रतिदिवस मरे-र्नाशको नृत्यदक्षः ।।
कट्यां कांच्या वरिष्ठैर्मुकुटमणिमयैः कुण्डलैः शोभितो यः ।
सर्वारिष्टप्रहर्त्ता भवतु भयहरः साञ्जलिं प्रार्थये तम् ……….।॥३॥
शोकान्मोहान्प्रलोभान् हरति भटिति यो दैन्यतापत्रयाधिं ।
सर्वान्पापान्प्रविघ्नान्प्रहरति दयया-भक्तसेवावशी सः ।।
सर्वकर्तुं समर्थः कलुषितमनसो-भैरवो मानदो यः ।
सिद्धीनां दायको मे भवतु भयहरः साञ्जलिं प्रार्थये तम् ….. ।।४।।
भक्तानां कष्टहर्त्ता त्रिभुवनविदितो-भैरवो भूतनाथः ।
योषित्पुत्रप्रदाताऽमलकमलमुखः-शान्तिसौख्यप्रदो यः ।।
लक्ष्मीदाताविधाता भवभयहरणे-दिव्यनेत्रप्रदो यः ।
भक्त्याभीष्टप्रदोमे भवतु भयहरः-साञ्चलिं प्रार्थये तम्. ।।5।।
विद्यावादे प्रवादे प्रहरणसमये स्तम्भने वारिमध्ये ।
राजस्थाने श्मशाने रहसि पथिवने-मोहने वा भये वा ।।
निर्विघ्नं वाञ्छितार्थं भवति करुणमया-यस्य शीघ्रं त्रिकालं ।
सोऽद्यत्वेऽभीष्टदाता प्रभवतु वरदः-साञ्जलिं प्रार्थये तम् ….. ।।६।।
व्यापारेद्यूतमध्ये नयति बहुजयं यस्य कारुण्यमूर्तेः ।
सेवासक्तो ध्रुवम्वै भवति भुवि नरो-जातु रंकोऽपि राजा ।।
सर्वांलंकारयुक्तः सुमतिसुतयुतै-र्योषिदा भूषितोऽपि ।
सोऽनाथं तादृशं मां कलयतु सकलं-साञ्जलिं प्रार्थये तम् … ।।७।।
मूकं वाचालमाद्यं भविकमनलसं-यो विधत्ते दयालुः ।
पंगुं पादद्वयं यो बधिर मविरतं-श्रोत्रयुग्मं सुनेत्रम् ।।
जन्मान्धं ज्ञानलिप्सुं गुरुसमधिषणं-कीर्तिवांञ्छं सुकीर्तिम् ।
दद्यान्मे मानसं सोऽभिलषितमधुना-साञ्जलिं प्रार्थये तम् ….. ।।८।।।
यस्त्रिकालंपठेन्नित्यं श्रृणुयाद्वा स्तवं शुभम्,
प्राप्नुयाद्वाञ्छितं सोऽथ । सूरि ‘हिमाचलोऽपिच’ ।।
इति भैरवाष्टकं समाप्तम्
जैन स्तोत्र संग्रह