Shodasnam Saraswati Stotra षोडशनाम सरस्वती स्तोत्र
नमस्ते शारदे देवि !, काश्मीरपुरवासिनि !;
त्वामहं प्रार्थये मातः, विद्यादानं प्रदेहि मे ||1||
प्रथमं भारतीनाम, द्वितीयं च सरस्वती;
तृतीयं शारदादेवी, चतुर्थं हंसगामिनी ||2||
पंचमं विदुषां माता, षष्ठं वागीश्वरी तथा;
कुमारी सप्तमं प्रोक्तं, अष्टमं ब्रह्मचारिणी ||3||
नवमं त्रिपुरा देवी, दशमं ब्राह्मिणी तथा;
एकादशं च ब्रह्माणि, द्वादशं ब्रह्मवादिनी ||4||
वाणी त्रयोदशं नाम, भाषा चैव चतुर्दशम्;
पंचदशं श्रुतं देवी, षोडशं गौर्निगद्यते.||5||
षोडशैतानि नामानि प्रातरुत्थाय यः पठेत्;
तस्य संतुष्यते देवी, शारदा वरदायिनी ||6||
शारदासुप्रसादेन, काव्यंकुर्वन्ति मानवाः;
तस्मान्निश्चलभावेन, पूजनीया सरस्वती ||7||
सरस्वती मया दृष्टा देवी कमललोचना;
हंसयानसमारूढा, वीणापुस्तकधारिणी ||8||
या कुन्देन्दुतुषारहारधवला, या श्वेतपद्मासना,
या वीणावरदंडमंडितकरा, या शुभ्रवस्त्रावृता;
या ब्रह्माच्युतशंकरप्रभृतिभि, र्देवैः सदावन्दिता
सा मां पातु सरस्वती भगवती, निःशेषजाड्यापहा ||9||
शुद्धां ब्रह्मविचारसापरमा माद्यांजगद्व्यापिनीं,
वीणापुस्तधारिणीमभयदां, जाड्यांधकारापहाम्;
हस्तेस्फाटिकमालिकां विदधतीं, पद्मासने संस्थितां,
वन्दे तां परमेश्वरीं भगवतीं, बुद्धिप्रदां शारदाम् ||10||
Shodasnam Saraswati Stotra षोडशनाम सरस्वती स्तोत्र
अन्य स्तोत्र संग्रह