Omkara Vidya Stavan ॐकार विद्या स्तवन
यह ऊँकार विद्या स्तवन (Omkara Vidya Stavan) का पाठ करने से मनुष्य को स्वर्ग और मोक्ष की प्राप्ति होती है। यह स्तोत्र का जाप अज्ञानी को ज्ञानी बनाता है।अहंकार को मुक्त बनाकर जीवन में सुख, शांति और समृद्धि को प्रदान करवाता है।
प्रणवस्त्वं ! परब्रह्मन् ! लोकनाथ ! जिनेश्वर !
कामदस्त्वं मोक्षदस्त्वं, ॐकाराय नमो नमः||1||
पीतवर्णः श्वेतवर्णो, रक्तवर्णो हरिद्वरः।
कृष्णवर्णो मतो देवः, ॐकाराय नमो नमः ||2||
नमस्त्रिभुवनेशाय, रजोऽपोहाय भावतः ।
पञ्चदेवाय शुद्धाय, ॐकाराय नमो नमः ||3||
मायादये नमोऽन्ताय, प्रणवान्त मयाय च।
बीजराजाय हे देव!, ॐकाराय नमो नमः||4||
घनान्धकारनाशाय, चरते गगनेऽपि च।
तालुरन्ध्रसमायाते, सप्रान्ताय नमोनमः ||5||
गर्जन्तं मुखरन्द्रेण, ललाटान्तर संस्थितम्।
पिधानं कर्णरन्ध्रण, प्रणवं तं वयं नमः ||6||
श्वेते शान्तिकपुष्टयाख्याऽनवद्यादिकराय च।
पीते लक्ष्मीकरायापि, ॐकाराय नमो नमः||7||
रक्ते वश्यकरायापि, कृष्णे शत्रुक्षयकृते ।
धूम्रवर्णे स्तम्भनाय, ॐकाराय नमो नमः||8||
ब्रह्मा विष्णु शिवो देवो, गणेशो वासवस्तथा।
सूर्यश्चन्द्रस्त्वमेवातः, ॐकाराय नमो नमः||9||
न जपो न तपो दानं, न व्रतं संयमो न च।
सर्वेषां मूलहेतुस्त्वं, ॐकाराय नमो नमः||10||
इति स्तोत्रं जपन् वाऽपि, पठन् विद्यामिमां परा।
स्वर्ग मोक्षं पदं धत्ते, विद्येयं फलदायिनी. ||11||
करोति मानवं विज्ञमज्ञं, मानविवर्जितम् ।
समानं स्यात् पंचसुगुरोर्विद्यैका सुखदा परा.||12||
Omkara Vidya Stavan ॐकार विद्या स्तवन
अन्य जैन स्तोत्र संग्रह