No. 23 Sarasvati Stotra सरस्वती स्तोत्र ज्ञान की प्राप्ति और बुद्धि तीव्र करने हेतु मंत्र जाप

Sarasvati Stotra सरस्वती स्तोत्र

Table of Contents

(सिद्धसारस्वताचार्य श्रीमद् बप्पभट्टिसूरि कृत)

कलमरालविहङ्गमवाहना, सितदुकूलविभूषणलेपना;

प्रणतभूमिरुहामृतसारिणी, प्रवरदेहविभाभरधारिणी ||1||

अमृतपूर्णकमण्डलुहारिणी, त्रिदशदानवमानवसेविता;

भगवती परमैव सरस्वती मम पुनातु सदा नयनाम्बुजम्.||2||

जिनपतिप्रथिताखिलवाड्मयी, गणधराननमण्डपनर्तकी;

गुरुमुखाम्बुजखेलनहंसिका, विजयते जगति श्रुतदेवता.||3||

अमृतदीधितिबिम्बसमाननां, त्रिजगती जननिर्मितमाननाम्;

नवरसामृतवीचिसरस्वतीं, प्रमुदितः प्रणमामि सरस्वतीम्.||4||

विततकेतकपत्रविलोचने! विहितसंसृतिदुष्कृतमोचने !;

धवलपक्षविहङ्गम् लाञ्छिते; जय सरस्वति ! पूरितवाञ्छिते !||5||

भवदनुग्रहलेशतरङ्गिता-स्तदुचितं प्रवदन्ति विपश्चितः;

नृपसभासु यतः कमलाबला, कुचकलाललनानिवितन्वते ||6||

गतधना अपि हि त्वदनुग्रहात्, कलितकोमलवाक्यसुधोर्मयः;

चकितबालकुरङ्गविलोचना, जनमनांसि हरन्तितरां नराः ||7||

करसरोरुहखेलनचञ्चला, तव विभाति वराजपमालिका;

श्रुतपयोनिधिमध्यविकस्वरोजज्वलतरङ्गकलाग्रहसाग्रहा.||8||

द्विरदकेसरिमारिभुजङ्गमा-सहनतस्करराजरुजां भयम्ः

तव गुणावलिगानतरङ्गिणां, न भविनां भवति श्रुतदेवते ! ||9||

ॐ ह्रीं क्लीं ब्लीं ततः श्रीं तदनु हस कल ह्रीं अथो ऐं नमोऽन्ते,

लक्षं साक्षाज्जपेद्यः करसमविधिना सत्तपा ब्रह्माचरी;
निर्यान्तीं चन्द्रबिम्बात्कलयतिमनसा त्वां जगच्चन्द्रिकाभां,

सोऽत्यर्थं वह्निकुण्डे विहितघृतहुतिः स्याद् दशांशेन विद्वान् ||10||

रे रे ! लक्षण-काव्य-नाटक-कथा चम्पू-समालोकने,

क्वायासं वितनोषि बालिश ! मुधा किं नम्रवक्त्राम्बुजः !,

भक्त्याऽऽराधय मंत्रराजमहसा ऽऽनेनानिशं भारतीं

येन त्वं कवितावितान-सविताऽद्वैतप्रबुद्धायसे.||11||

चञ्चच्चन्द्रमुखी प्रसिद्धमहिमा, स्वाच्छंद्यराज्यप्रदा

ऽनायासेन सुरासुरेश्वरगणै-रभ्यर्चिता भक्तितः

देवी संस्तुतवैभवा मलयजा लेपाङ्ग-रङ्ग-द्युतिः,

सा मां पातु सरस्वती भगवती त्रैलोक्यसंजीवनी.||12||

स्तवनमेतदनेकगुणान्वितं, पठति यो भविकः प्रमनाः प्रगे;

स सहसा मधुरैर्वचनामृतैर्नृपगणानपि रञ्जयति स्फुटम् ||13||

अन्य जैन स्तोत्र संग्रह

श्री चिंतामणी पार्श्वनाथ स्तोत्र