Shree Gautam Astak श्री गौतम अष्टक

श्रीइंद्रभूर्ति वसुभूतिपुत्रं, पृथ्वीभवं गौतमगोत्ररत्नम्; स्तुवन्ति देवाः सुरमानवेन्द्राः स गौतमो यच्छतु वाञ्छितं मे १

श्रीवर्द्धमानात् त्रिपदीमवाप्य, मुहूर्तमात्रेण कृतानि येन, अंगानि पूर्वाणि चतुर्दशापि, स गौतमो यच्छतु वाञ्छितं मे……२

श्रीवीरनाथेन पुरा प्रणीतं, मंत्रं महानंदसुखाय यस्यः ध्यायन्त्यमी सूरिवराः समग्राः, स गौतमो यच्छतु वाञ्छितं मे .. ३

यस्याभिधानं मुनयोऽपि सर्वे, गृह्णन्ति भिक्षाभ्रमणस्य काले; मिष्टान्नपानाम्बरपूर्णकामाः, स गौतमो यच्छतु वाञ्छितं मे…….४

अष्टापदाद्रौ गगने स्वशक्त्या, ययौ जिनानां पदवंदनाय; निशम्य तीर्थातिशयं सुरेभ्यः, स गौतमो यच्छतु वाञ्छितं मे ….५

त्रिपञ्चसंख्या शततापसानां, तपःकृशानामपुनर्भवाय; अक्षीणलब्या परमान्नदाता, स गौतमो यच्छतु वाञ्छितं मे ……६

सदक्षिणं भोजनमेव देयं, साधर्मिकं संघसपर्ययेति; कैवल्यवस्त्रं प्रददौ मुनीनां, स गौतमो यच्छतु वाञ्छितं मे……७

शिवं गते भर्तरि वीरनाथे, युगप्रधानत्वमिहैव मत्वा; पट्टाभिषेको विदधे सुरेन्द्रैः, स गौतमो यच्छतु वाञ्छितं मे … ८

त्रैलोक्यबीजं परमेष्ठिबीजं, सज्ञानबीजं जिनराजबीजं; यन्नाम चोक्तं विदधाति सिद्धिं, स गौतमो यच्छतु वाञ्छितं मे ..९

श्रीगौतमस्याष्टकमादरेण, प्रबोधकाले मुनिपुंगवा ये, पठन्ति ते सूरिपदं सदैवा-नन्दं लभन्ते सुतरां क्रमेण …१०

।। Shree Gautam Astak श्री गौतम अष्टक ।।

अन्य जैन स्तोत्र संग्रह 

आत्मरक्षा नवकार मंत्र

श्री बृहद ऋषिमंडल स्तोत्र 

तिजयपहूत्त स्तोत्र 

संतिकरं स्तोत्र 

भक्तामर स्तोत्र