।।जिनपंजर स्तोत्र Jinpanjar Stotra।।

Jinpanjar Stotra : जिनपंजर स्तोत्र इसमें पंच परमेष्ठि  एवं तीर्थंकर परमात्मा 24 तीर्थंकर परमात्मा की स्थापना अपने संपूर्ण शरीर पर होती है। इस स्तोत्र को यदि प्रातः स्मरण किया जाए तो शत्रु आदि का नाश होता है, सिंह सर्प आदि हिंसक पशुओं से रक्षण होता है, भूत प्रेत इत्यादि आसुरी शक्ति से भी रक्षण होता है, अकाल मरण से बचते हैं, और अपुत्रत्व का महादुख दूर होता है। यह स्तोत्र की श्रद्धा एवं भक्ति भाव के साथ पाठ करने से श्री (लक्ष्मी) की प्राप्ति होती है। 

ॐ ह्रीं श्रीं अर्हं अर्हद्भ्यो नमो नमः

ॐ ह्रीं श्रीं अर्हं सिद्धेभ्यो नमो नमः

ॐ ह्रीं श्रीं अर्हं आचार्येभ्यो नमो नमः

ॐ ह्रीं श्रीं अर्हं उपाध्यायेभ्यो नमो नमः

ॐ ह्रीं श्रीं अर्हं गौतमस्वामिप्रमुखसर्वसाधुभ्यो नमो नमः …….1

एष पंच नमस्कारः सर्व पापक्षयंकरः; 

मंगलानां च सर्वेषां, प्रथमं भवति मंगलम् ……..2

ॐ ह्रीं श्रीं जये विजये, अर्ह परमात्मने नमः; 

कमलप्रभसूरीन्द्रो, भाषते जिनपंजरम् ………3

एक भक्तोपवासेन, त्रिकालं यः पठेदिदम्; 

मनोभिलषितं सर्वं, फलं स लभते ध्रुवम् ……..4

भूशय्या-ब्रह्मचर्येण, क्रोध-लोभ-विवर्जितः; 

देवताग्रे पवित्रात्मा, षण्मासैर्लभते फलम् ……..5

अर्हन्तं स्थापयेन्मू‌‍घ्र्नि, सिद्धं चक्षुर्ललाटके;

आचार्यं श्रोत्रयो र्मध्ये, उपाध्यायं तु घ्राणके……..6

साधुवृन्दं मुखस्याग्रे, मनःशुद्धिं विधाय च; 

सूर्य-चन्द्रनिरोधेन, सुधीः सर्वार्थसिद्धये……..7

दक्षिणे मदनद्वेषी, वामपार्श्वे स्थितो जिनः; 

अंगसंधिषु सर्वज्ञः, परमेष्ठी शिवंकरः ………8

पूर्वाशां च जिनो रक्षे-दाग्नेयी विजितेन्द्रिय;

दक्षिणाशां परं ब्रह्म नैऋतिं च त्रिकालवित् ……..9

पश्चिमाशां जगन्नाथो, वायवीं परमेश्वरः; 

उत्तरां तीर्थकृत्सर्वा-मीशानीं च निरंजनः ……..10

पातालं भगवानर्ह, -न्नाकाशं पुरुषोत्तमः; 

रोहिणीप्रमुखादेव्यो, रक्षन्तु सकलं कुलम् ……..11

ऋषभो मस्तकं रक्षे, -दजितोऽपि विलोचने

 संभवः कर्णयुगलं, नासिकां चाभिनंदनः ………12

ओष्ठौश्री सुमती रक्षेद्, दन्तान्पद्मप्रभो विभुः; 

जिह्वां सुपार्श्वदेवोऽयं, तालु चन्द्रप्रभाभिधः ………13

कंठं श्रीसुविधी रक्षेद्, हृदयं श्रीसुशीतलः

-श्रेयांसो बाहुयुगलं, वासुपूज्यः करद्वयम् ………..14

अंगुलीर्विमलो रक्षे,-दनन्तोऽसौ नखानपि; 

श्री धर्मोऽप्युदरास्थीनि, श्री शान्तिर्नाभिमंडलम् ……..15

श्री कुंथुर्गुह्यकं रक्षे,-दरो लोमकटीतटम्; 

मल्लि रूरु पृष्ठवंशं जंघे च मुनिसुव्रतः ……… 16

पादांगुलीर्नमी रक्षे,-च्छ्रीनेमिश्चरणद्वयम्; 

श्री पार्श्वनाथः सर्वांगं, वर्धमानश्चिदात्मकम्. ……….17

पृथिवीजलतेजस्क-वाय्वाकाशमयं जगत्, 

रक्षेदशेषपापेभ्यो, वीतरागो निरंजनः ……….18

राजद्वारे श्मशाने च, संग्रामे शत्रुसंकटे; 

व्याघ्रचौराग्निसर्पादि-भूतप्रेतभयाऽऽश्रिते ………19

अकाले मरणे प्राप्ते, दारिद्र्यापत्समाश्रिते; 

अपुत्रत्वे महादुःखे, मूर्खत्वे रोगपीडिते …………20

डाकिनीशाकिनीग्रस्ते, महाग्रहगणार्दिते; 

नद्युत्तारेऽध्ववैषम्ये, व्यसने चापदि स्मरेत्. ……..21

प्रातरेव समुत्थाय, यः स्मरेज्जिनपंजरम्, 

तस्य किंचिद्भयं नास्ति, लभते सुखसंपदः ……….22

जिनपंजरनामेदं, यः स्मरेदनुवासरम्; 

कमलप्रभराजेन्द्र-श्रियं स लभते नरः ………….23

प्रातः समुत्थाय पठेत्कृतज्ञो, यःस्तोत्रमेतज्जिनपंजराख्यम्; 

आसादयेत् स कमलप्रभाख्यां, लक्ष्मीं मनोवांछित पूरणाय ………24

श्रीरुद्रपल्लीयवरेण्यगच्छे, देवप्रभाचार्यपदाब्जहंसः; 

वादीन्द्रचूडामणिरेष जैनो, जीयाद् गुरुः श्रीकमलप्रभाख्यः …….25

 ।।जिनपंजर स्तोत्र Jinpanjar Stotra।।

 

अन्य जैन स्तोत्र संग्रह 

उवसग्गहरम् स्तोत्र 

भक्तामर स्तोत्र

संतिकरं स्तोत्र 

तिजयपहूत्त स्तोत्र 

श्री बृहद ऋषिमंडल स्तोत्र

आत्मरक्षा नवकार मंत्र